- 749 -

1449. Nov. 5.

Vnsire fruntliche dinste zuuor. Ersamen, weizen, liebin herren, besundere gonner, vns ist von irhafftigen guten gonner in grosser geheyme vorbrocht, wie das Hayne von Czyrne sich ken Merhern vnd andtrswo vmb lewte bewerbende sei in meynunge ewir erbarkeit vnd das lant zubeschedigen, hirumb liebin herren vnd gonner wollet eyn sulches in achtunge habin vnd dorczu das in ewir geheyme zu habin, wenne sie vnd wir des vngerne wolden vormeldet werden, doraws sie vnd wir zuschaden mochten komen, das wollin wir dinstlichin vmb ewir erbarkeit vordynen. Gebin an der mitwochin noch allirheiligen tage & XLnono.
Burgermeister, ratmanne der stat Jawor.

Orig. Kgl Bibl z. Berl Ms. Boruss. f. 568. No. 100.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866